По долг период на тестирање, хакирање, копирање, конфигурирање и генерално трошење на време за една зезалица како што е блог, мојот блог конечно е префрлен на нова платформа и ново URL.

Сега работи на Друпал и има неколку интересни можности и трикови, меѓу кои и можноста за коментирање. :)

Сите работи сѐ уште не функционираат под конец, но се надевам дека со уште неколку кликнувања сѐ ќе биде во најдобар ред.

Содржината од стариот блог е речиси целосно мигрирана и каналите од feedburner исто така се пренасочени. Фалат две-три страници кои намерно ги изоставив, а можеби и нешто што случајно сум превидел во сето тоа копирање. Како и да е, стариот блог останува да живее на истото место, па истото важи и за содржините. А доколку некој пронајде нешто што фали, секогаш може да ме извести за тоа. :)

Патем, се надевам дека блогов ќе биде и добар пример (showcase) за Друпал.

Благодарам на сите што на различни начини ми помогнаа во миграцијата.

За време на мечот Македонија - Шкотска, јас им правев конкуренција на гостинските навивачи со оригинален македонски килт.

Фотографирано на кеј, каде што имаше одлична забава.

„Small is the new big“ - збирка коментари, идеи, есеи и друго од Сет Годин.

Во средношколските денови имав одлично искуство читајќи ги текстовите на Герт Ловинк (патем, ако не се лажам, името правилно му се изговара Херт), и тогаш во раните денови на интернетот во Македонија за прв пат дознав за Linux (и за многу други работи).

Оваа размена на електронска пошта е од тоа време.

Не знам што сум мислел тогаш и како сум доаѓал до прашањата кои сум му ги поставувал на Герт, но се сеќавам дека тогаш за прв пат научив дека на е-пошта се одговара така што се цитира дел и под него се пишува одговор. :)

Прочитајте, можеби ќе најдете нешто интересно.

Еве почнав сериозно да ја рагледувам можноста за миграција на блогов на некоја посовремена (да не речам web2.0) платформа. Меѓу другото сега проверувам што сѐ имам закачено овде, преместувам слики на фликр, поправам врски и сл.

Една година до целта (стигнав до јуни 2007) и го гледам записот за, по многу нешта, контроверзниот избор за Наградите за светскиот самит.

Па еве, еден од тогашните победници Портал: Дигитизација на националното наследство, веќе не постои на Интернет. Тогаш, во 2007, коментирав дека овој портал воопшто не ни треба да учествува на изборот.