Image via Wikipedia

После неколко часовно ловење на проблемот зошто Zemanta не се појавува на мојов Drupal, конечно открив дека работата била во различните теми во администраторскиот дел и овој главнот што се гледа додека се суфра на блогот.

Како и да е, ова конечно работи и еве ќе залепам неколку сликички да видиме како изгледа ова.

Вчера бев на работилницата/дебатата за блогирање на ONLINE/OFFLINE фестивал за интернет и култура во Македонија. (Ќе закачев фотографија, но не најдов ниту една објавена.)

Дебора Хустиќ имаше предавање кое може да им биде од корист на оние што уште не се качиле на web2.0 возот. (Дамјан вели дека веќе е дојдено време да се симнуваме од тој воз, но тоа е друга приказна.)

Една од поентите на Дебора е дека сите културно-уметнички институции или поединци (мој впечаток е дека на настанов кога ќе се кажеше култура и уметност тоа го имаше традиоцналното школско значење на овие...) можат многу лесно да го промовираат она што го работат со помош на блогови, твитер, фејсбук, гугл и сл.

Таква традицонална културна институција е Кинотеката на Македонија. Таа информациите за филмовите ги објавува на форум (http://www.maccinema.com/forum/) што е прилично непрегледен, нема rss, па дури од некоја гледна точка на згодност, мора човек да памети да го посети за да види што таму се прикажува.

Бидејќи јас сакам да гледам филмови на платно, но не памтев секогаш да го посетувам форумот, претпоставив дека има и други како мене, па го започнав блогот Кинотека, каде ја бележев програмата на Кинотеката и други некои филмски настани кои немаат соодветна интернет презентација.

Блогот користеше содржини до Википедија на англиски за презентаирање на филмовите и за секој филм преведената содржина одеше и на Википедија на македонски. По ова вестите за филмовите се прошируваа и преку Твитер, Фејсбук, Календарот на Гугл и испораката по е-пошта на Фидбрнер, а имавме и мали експерименти со Апкаминг и др.

Во текот на 12-те месеци во кои беше активен блогот тимот порасна од 1 на 4 луѓе, a бројот на луѓе кои ги следеа сервисите постојано се зголемуваше. Немам некои посебни статистички податоци освен оние од Google Analytics за блогот... но, не сум баш некој експерт во толкување на тие податоци. Како и да е, целиот беше добро разработен и освен некои мали проблеми со автоматските ажурирања работеше како подмачкан.

Но бидејќи времето е толку, од пред некое време блогот и сите други ресурси со кориснички имиња и лозинки ги предадовме на луѓе кои работат во Кинотеката. Се надевам тие ќе продолжат во ист стил.

Исто така се надевам дека приказнава беше доволно поучна за сите кои сакаат да експериментираат со web2.0 за својата културно уметничка работа.

Веќе неколку дена ја читам „Комунистичка интима“ од Јасна Котеска.

Многу возбудлива книга, но повеќе за тоа можеби друг пат.

Книгата е полна со цитати, врски до статии на интернет, референци до други текстови и слично и ми се виде интересно да ги прибележам тие некаде на интернет за понатамошно читање. Затоа направив група на diigo: http://groups.diigo.com/groups/komunistichka-intima

Diigo e како delicious, само што овозможува заедничко обележување на содржина и дискутирање (хм, не сум проверил одамна може тоа го има и на delicious).

Како и да е. Ја креирав групата и додавам некоја содржина, па ако има некој друг што ја чита книгата и сака да додаде некоја страница, текст, коментар или што и да е, може да се приклучи.

Новата технологија и координацијата. Клеј Ширки на ТЕД 2005. Објавен во јули оваа година.

Тука.

Сабајлево ги средував pdf документите на компјутеров. Пронајдов некои документи за кои не сум знаел дека постојат (и повеќето од нив завршија во ѓубре). :)

Сепак, нешто заврши и на Интернет. Отворив сметка на scribd.com и таму ги закачив сите документи од извиканиот дигитален архив кој се здоби со популарност во последно време. За жал, со некои од неговите pdf-а има проблеми, па не се прикажуваат сите во e-paper-от на scribd.

Исто така закачив и еден свој документ.

(Патем, мала одјава за летово. До крајот на месецот не читам пошта. Не знам кому би му вредела оваа информација, но ете да ја има.)

http://www.youtube.com/watch?v=OwnTWZ1-UWY

Параноја или не?

Пред некое време го читав Тим О'Рајли како во интервју за Wired.com објаснува дека Web 2.0 всушност е за тоа кој ќе ги контролира податоците: врска.

Сега неговиот муабет повеќе ми држи вода. Погледајте.

Врската меѓу О'Рајли и Blaise Aguera y Arcas (како ли се чита ова) од Мајкрософт е следнава:
О'рајли вели дека Веб 2.0 е за тоа кој ги контролира подаотоците. Луѓето ќе качат милиони слики на фликр и после фликр може да прави што сака со нив. А Мајкрософт ги користат сликите за технологијата што ја прават. Таа нема да биде слободна.

Нешто слично со нашето културно наследство, само што содржините на Интернет не се толку стари.

Натпреварот за најдобра презентација заврши(л). Победниците се објавени.

Гај Кавасаки со свој коментар:

The commonality you’ll see in these winners is big fonts, big graphics, and a “storytelling” orientation. These are three crucial qualities of a good presentation.

Врска.

Алелуја!

Утрово си велам да ѕирнам што има на plagij.at, ме интересираше нешто да не има за албумот на Pikolomini (поздрав Давид - честитки :)), кога гледам прв наличена текст: Neal Stephenson - At the Beginning was the Command Line. Си велам, ај middle click на ова да оди во ново јазиче, дур скролам јас надолу по информацијата што иницијално ми требаше.

После тоа му се навраќам на јазичето со Нил и кога гледам URL со /index.php... и познатата портокалова иконка во ќошот.

Еве го RSS-то на plagij.at: http://www.plagij.at/rss/rss.xml - абе RSS владее! Зошто не се гледа на главната страница останува мала мистерија. ;-)

П.С. За оние среќни корисници на Firefox кои користат Flash Block: на plagij.at има и мени за навигација - само во флеш е. Ај, не ми се пишува и за ова.

Од пред некој ден ставив една страница (хм, која што не е баш валидна според W3C) со оние вести кои ми стигаат на rss и кои ги сметам за поинтересни. Па може некому ќе му се види тоа корисно.

Денес открив уште еден Web2.0 сервис: stikkit.com, па си реков да пребројам на колку всушност вакви 2.0 (или не баш 2.0) сервиси сум се зачленил во последно време.

1. stikkit.com - белешки на Интернет, веројатно нема да го користам за ништо,

2. ma.gnolia.com - сервис сличен на del.icio.us што работи со OpenID, што значи дека имам и

3. OpenID сметка кај myopenid.com,

4. YouTube - тоа сите веќе знаат што е,

5. Digg - и ова исто така,

6. Flikr - таму сликички си ставам,

7. Orkut - што не знам за што точно служи (веројатно некој сервис за среќавање другарчиња на Интернет) и каде што има огромни обрасци за пополнување (кои нема шанси да ги пополнувам), ама членството таму доаѓа со

8. GMail сметка, што му доаѓа нешто како кумот/кумата на Web2.0 и која ја користам и за пишување на Сподели знаење,

9. Hi5 - што е нешто слично на Orkut (ми се чини) за кој добив покана од една пријателка, ама и таму се ми чмае без активност,

10. Upcoming.org што е Web2.0 верзија на македонскиот Каде вечер,

11. eurocv.eu - место каде што можете да си направите CV по теркот на ЕУ,

12. LinkedIn - а овде да се вмрежите со колеги, партнери, бизниси и сл. и

13. изгледа толку освен ако не ги додадам оние не баш Web2.0 места како Wikipedia (en и mk), Багра, Linuxpackages, Freshmeat, Linux.net.mk, NationStates, сметката кај On.net, околу 20 поштенски листи и неколку форуми. (Толку?)

Од сите до точка 12 редовно ги користам GMail и Flickr, а на Ма.gnolia бутам се и сешто и одамна не сум проверил каква е состојбата. На LinkedIn и EuroCV веројатно ќе пополнам некоја информација повеќе, а на другите веројатно само стојам пријавен заради запаметени колачиња. На овие од точка 13 изгледа нешто почесто сум активен. И ако го додадам кон сето ова пишувањето на блогов (и на некои други места), тогаш сето ова почнува да заличува на прилично обемна активност. (По ѓаволите!)

П.С. Скоро си направив и Wish List на Amazon.com. Не знам во која верзија се вбројува ова, ама ако сакате нешто да ми купите, од време на време гледајте што има таму. ;-)

Значи, од вчера блогов (softver.org.mk/novica) ми е OpenID. Со OpenID се пријавувам на Ma.gnolia и имам и таму сметка. (Видете сликиче лево на блогов :))

И така викам да зачувам некоја врска таму, па инсталирав екстензија во Фајрфокс, па ова, па она, па нешто рикна и од 30 јазичиња што ги имав отворено ми останаа само 10, и спасив само пар врски за да ги прибележам.

Инаку, екстензијава за Магнолија во Фајрфокс не е нешто нај-нај, па прашањето е сега дали човек да избира (менува?) сервис според квалитетот на екстензиите кои се достапни?

П.С. Магнолија е сервис сличен на Делишс.

На почетокот дефиниции:

Семантика - според Оксфордскиот речник - е гранка од лингвистиката и логиката чиј предмет на изучување е значењето (на зборови, фрази, реченици, текст).

Семантичка мрежа - според W3C - е апстрактна репрезентација на податоци на светската мрежа базирана на RDF стандарди и други стандарди кои ќе се дефинираат.

Семантичката мрежа е проширување на сегашната мрежа во кое на информациите им се дава добро дефинирано значење, и овозможува компјутерите и луѓето подобро да соработуваат. Тоа е идеја податоците на интернет да бидат дефинирани и поврзани на начин кој тие можат да се користат за поефективни откритија, автоматизација, интеграција и повторно користење на од различни апликации.

Сега: што би значело ова во практиката?

Изразување на значењето

Најголемиот дел од денешната содржина на интернет е дизајниран за луѓето да можат да го читаат, не за компјутерските програми да можат да манипулираат со некоја функција. Компјутерите можат да ги процесираат веб-страните, хедери, линкови, но генерално компјутерите немаат сигурен начин да ја процесираат семантиката: Ова е страната на болницата, овој линк води до архивите на докторите.

Првите чекори на претварање на денашната мрежа во семантичка се направени. Понатамошниот развој на технологијата ќе овозможи машините многу успешно да ги процесираат и разбираат оние информации кои денеска само ги прикажуваат.

Семантичката мрежа треба да овозможи интернетот од медиум кој е исклучиво наменет за човекот, да премине во медиум кој исто така ќе презентира и податоци и информации кои ќе можат автоматски да бидат порцесирани. Новата мрежа ќе мора да остане децентрализирана исто како и оваа која ја имаме денес.

Технологијата е на пат

Двете главни технологии за развојот на семантичката мрежа се: eXtensible Markup Language (XML) и Resource DescriptionFramework (RDF). XML овозможува секој да креира свои тагови во докуметните кои ги работи. Програмите можат да ги користат овие тагови на софистицирани начини. Накратко, XML им дава можност на корисниците да додаваат сопствена структура на своите документи, но не кажува ништо за тоа што таа структура значи.

Значењето се искажува преку RDF, кој го енкодира во триплети. Секој триплет наликува на просто-проширена реченица - субјект, објект и глагол. Овие триплети можат да бидат напишани со помош на XML тагови. Во RDF документите кажуваат дека одредени нешта (човек, веб страни) имаат карактеристики (како 'е сестра на', 'е автор на') со одредени вредности (друг човек, друга страна). Оваа структура е природен начин за да се опише мнозинството од податоци кои ги процесираат машините. Субјектот и објектот се поединиечно се идентификувани со Universal Resource Identifier (URI).(URLs, Uniform Resource Locators, се најчест тип на URI.) Глаголите се исто така идентификувани со URI, што овозможува секој да дефинира нов концепт, нов глагол, само преку дефинирање на URI за него некаде на мрежата.

Семантичката мрежа ќе овозможи машните да разберат семантички докуметни, не човеков говор или пишан текст.

Онтологии

Овие тука не носат философското значење. Сега станува збор за документ кој ги дефинира односите меѓу нештата, некаков збир од правила.

На пример, во една база на податоци може да се наоѓаат под еден идентификатор поштенските кодови. Друга база за истиот тип податоци може да користи друг идентификатор. Ваквите збирови од правила овозможуваат програмата да ги препознае таквите сродни податоци. Компјутерот нема навистина да ги разбере тие податоци, но доколку правилото му кажува дека адресите се врзани со кодовите, а овие со градот или државата, тој на основа на тоа ќе ги пренесе саканите информации до корисникот.

Агенти

Вистинската моќ на семантичката мрежа ќе дојде до израз кога луѓето ќе креираат многу програми кои ќе собираат содржина од различни извори, ќе процесираат информаци и ќе ги разменуваат резултатите со други програмиs. Ефективноста на ваквите софтверски агенти ќе се зголеми со зголемувањето на количината на содржина која е копјутерски читлива и со производството на нови агенти. Семантичката мрежа промовира синергија: дури и агентите кои не биле дизајнирани да работат заедно можат да разменуваат податоци ако податоците доаѓаат со семантика.

Во следниот чекор семантичката мрежа ќе се прошири од виртуелниот во физичкиот свет. URI-јата можат да покажуваат кон се, вклучувајќи ги и физичките ентитети, што значи дека RDF може да се користи за опишување на други уреди во физичкиот свет (телевизори, мобилни телефони).

Евлоуција на знаењето

Ако правилно се дизајнира семантичката мрежа ќе помогне во еволуцијата на целокупното човеково знаење, ќе може да функционира како заеднички логичен јазик.

Новите концепти со помош на URI-јата ќе бидат изразени со минимален напор. Заедничкиот јазик ќе овозможува тие да бидат поврзани во заедничка мрежа. Човековото знаење и работа ќе може да биде анализрано од софтверските агенти. Тоа ќе бидат нови моќни алатки.

Забелешка: Овој текст го објавив на Багра на 20 септември 2002 год.

Јас сум! Каква чест. Благодарам, благодарам...

Time.com: Person of the Year: You