За сите оние кои низ продавници гледаат „Производот не се враќа и не се заменува“, ви го претставувам член 50 од Законот за заштита на потрошувачите („Сл. весник на Р. Македонија“ бр. 38/04 од 17.06.2004 година):

Член 50
Потрошувачот има право кај трговецот кај кој е купен производот да го замени производот што има соодветен квалитет, а што не одговара во однос на формата, големината, моделот, бојата, бројот или од други причини.
Потрошувачот правото од ставот 1 на овој член може да го оствари во рок од 15 дена од денот кога производот е купен.
Замена на производот со соодветен квалитет се врши ако производот не бил употребуван, ако е сочуван изгледот на производот, употребните својства, пломбите, фабричките етикети, како и фискалната сметка за производот или сметко потврда кои на потрошувачот му биле издадени
заедно со производот.
Ако во моментот на поднесувањето на барањето од потрошувачот трговецот нема соодветен производ (производ што ќе одговара на неговите потреби), потрошувачот има право по свој избор да бара:
- да го раскине договорот и да бара враќање на платениот паричен
износ или
- да го замени производот со соодветен кога ќе има таков производ.
Трговецот е должен да го извести потрошувачот кој барал замена на производот дека има таков производ за продажба во рок кој не може да биде подолг од 30 дена од денот на приемот на барањето.

Ова го видов во продавницата на GoldenPoint на ул. „Македонија“. Не знам дали тоа што се странски бренд придонело да истакнат член од закон, но еве - добро е да се знае.

Ми се чини дека никој повеќе не се буни за 0,50 дени повеќе или помалку. Не знам дали сѐ уште има добра причина зошто ги имаме овие, но сигурно знам дека има добра причина зошто секогаш трговците заокружуваат на горната вредност.

И додека за ваквата злоупотреба може да се најде практичен изговор кога станува збор за плаќање во готово, не гледам како воопшто може да се направи истото за безготовинско плаќање.

„Макпетрол“ си земаат најголема слобода во оваа работа, барем според моето искуство. Сега имам и доказ дека тоа е така, но не знам дали ќе има некое фајде од тоа. Веќе им пишав на „Макпетрол“ преку нивната страница за контакт:

Откако дома ги проверив фискалната и сметката од банката видов дека при наплатата на Вашата бензинска пумпа, вработените ми наплатиле 0,50 денари повеќе.

Не ми е јасно зошто, кога инсистирате на прецизни фискални сметки, истовремено не ги наплатувате така прецизно, особено кога безготовинското плаќање го овозможува тоа.

Имајќи доверба, не ги видов сметките кога службеничката ми ги даде, па веднаш да ја исправам ситуацијата. Очигледно мојата доверба во Вашата компанија била не треба да биде на така високо ниво.

Сега планирам да пишам и до Организацијата на потрошувачите на Македонија, а можеби и до Државниот пазарен инспекторат.

Ќе видиме дали и што ќе одговорат.

Дополнување 1 - одговор од ОПМ:

Pocituvan g-din Nakov

Vnimatelno go procitav vasiot problem i mislam deka ste vo pravo. 50 deni se platezno sredstvo vo Makedonija i kako apoeni postojat i mozat da se trebuvaat. Za zal trgovcite ne go pravat toa a cenite gi formiraat bez da bidat zaokruzeni na denari , pa uslugata ili proizvodot vi go naplatuvaat sekogas poskapo za 50 deni bidejki nemoza da vi vratat.

Za nastanatiot problem treba da se obratite do Drzavniot pazaren inspektorat na tel 3220 547 koj go ima nadzorot nad Zakonot za zastita na potrosuvaci.

Фрчкоски, Костовски, Милчин и другите македонски ѕвезди што денес присуствуваа на плоштад би требало да се засрамат и да се извинат за тоа што го узурпираа медиумскиот простор и се наредија да се сликаат. Новинарите би требало да се засрамат што им придадоа значење.

Но, бидејќи малку е веројатно дека било што од ова ќе се случи, останува на нас да пратиме јасна и недвосмислена порака на сите нив, дека за нив, на овие настани, има место само како обични граѓани и ништо повеќе.

Мислам дека е доста од вакви профитери. Доста е. Коге веќе не правите добро, барем не правете штета.

Дополнување 3: Ууупс... ми се измешале деновите. Протестот е денес (петок 10 април) и би требало веќе да е започнат.

Нема ништо за ова на Интернет (барем колку што можам да најдам), па еве јас ќе пишам:

Во сабота, 11.04.2009, на иницијатива на група граѓани од населбата Хром ќе има протест против ширењето на урбаната мафија во оваа населба. Флаерот кој го дистрибуираат по сандачињата за пошта вели да не дозволиме Хром да стане како Кисела вода и Дебар маало (а јас би додал и како Тафталиџе од скоро).

Имено, според муабетите низ населба, од општината веќе имало одлуки за дозвола да се гради П+3, а до сега било дозволено П+1. Најспорна била некоја зграда што никнала близу кружниот тек, а колку што гледам, една многукатница се појави и во улицата до мојата.

Комшиите исто така се на мислење дека една стара куќа на мојата улица ќе се претвора во нова зграда. Во конкретниот случај загриженоста е и поради капацитетот на канализацијата, кој и сега бил на горната граница на искористеноста.

Протестот е во сабота, со почеток околу 16 часот, кај новата зграда на Скопски пазар.

Дополнување: Имало нешто по весници за ова изгледа. Дневник од 3 март 2009:

- Оваа инфраструктура што ја имаме е недоволна за нас, а камоли за уште 12 семејства. Ќе немаме ни струја, ни вода ни паркинг. Мислиме и дека при копањето не е запазено потребното растојание од три метри од меѓата до најистакнатиот дел од објектот. Целиот шут од ископот се исфрла на улица - ни вели еден од жителите.

Граѓаните се жалат и на односот на градоначалникот на последниот состанок со нив. Сметаат дека во Општината не ги разбираат и дека немаат чувство за нивните проблеми. Од Општината потврдуваат дека објектот ќе биде со приземје, два ката и поткровје, со 12 стана.

Дополнувње 2: Срамота што не знам што ми се случува во маало.

И веројатно нема подобра слика за ситуацијата во која се наоѓаме кога ќе видите дека фотографијата на Фликр е видена 551 пат, а на плоштадот одвај има грст цвеќе.