plagij.at имале rss!

Submitted by Новица on

Tags: 

Алелуја!

Утрово си велам да ѕирнам што има на plagij.at, ме интересираше нешто да не има за албумот на Pikolomini (поздрав Давид - честитки :)), кога гледам прв наличена текст: Neal Stephenson - At the Beginning was the Command Line. Си велам, ај middle click на ова да оди во ново јазиче, дур скролам јас надолу по информацијата што иницијално ми требаше.

После тоа му се навраќам на јазичето со Нил и кога гледам URL со /index.php... и познатата портокалова иконка во ќошот.

Еве го RSS-то на plagij.at: http://www.plagij.at/rss/rss.xml - абе RSS владее! Зошто не се гледа на главната страница останува мала мистерија. ;-)

П.С. За оние среќни корисници на Firefox кои користат Flash Block: на plagij.at има и мени за навигација - само во флеш е. Ај, не ми се пишува и за ова.

Нови податоци за употребата на Firefox низ Европа и светот

Submitted by Новица on

Tags: 

Убава статија со сликички: врска.

Две од првите три места ги држат Словенија и Хрватска, а Македонија и остатокот од Западен Балкан, не е во статистиката.

Се готви ли нешто во ИТ кујната на Македонија?

Submitted by Новица on

Tags: 

Две интервјуа во три дена во Утрински на тема ИКТ. Денешното е со некоја фаца од Мајкрософт: врска.

Ај може некој ќе ги и праша локалните слободни софтверџии нешто повеќе за интероперабилност.

На тендер за мнооооооооооогу компјутери и така треба да се јават само производители

Submitted by Новица on

Tags: 

Доцнам еден ден, ама еве: вчера го читав интервјуто на Васко Кроневски од МАСИТ за тендерот на Владата на РМ за компјутери за училиштата: врска.

Воглавно г. Кроневски се жали дека тендерот не бил ОК за нашите компании. Впрочем и насловот на интервјуто е таков: „Тендерот за компјутери е нерамноправен за домашните фирми“.

Колку што знам тендерот е за набавка на хардвер. Баш и не ми е јасно зошто се жалат кога тие не произведуваат, туку само препродаваат хардвер. Мене баш ми е логично на тендерот да се јават џинови како Lenovo и HP и да здилаат компјутери по пониски цени одошто оние на ситните трговци.

Владини комисии за заштита на конкуренција отворете ги очите

Submitted by Новица on

Tags: 

The Inquirer вози текст со наслов Microsoft admits Vista failure. Цитат:

The other equally monumental Me II failure? Gates in China launching a $3 version of bundled Me II. Why is this not altruism? Well, it goes back to piracy and how it helped enforce the MS monopoly. If you can easily pirate Windows, Linux has no price advantage, they both cost zero.

With Me II, Microsoft made it very hard to pirate. It is do-able, you can use the BIOS hack and probably a host of others, but the point is, it raised the bar enough so lots of people have to buy it. Want to bet that in a country with $100 average monthly salary, people aren't going to shell out $299 for Me II Broken Edition?

Битката за пазарот продолжува.

Цепенков на саем

Submitted by Новица on

Tags: 

Како и секогаш до сега и оваа година направив посета на саемот на книгата (и патем бев изненаден што овој пат не беа заедно и компјутерите) и прошетав натаму-наваму по штандовите. Купив една книга и така дадов мал придонес во развојот на македонското издаваштво.

И стигнувам така пред еден штанд, чие име не го приметив од прва. Наличени на штандот 4 тома од Марко Цепенков, книги со тврд повез, 330 денари една. Си реков - вау, збирка од Цепенков за 20 евра, тоа и не е така лоша зделка. Посегнувам по новчаникот и дури тогаш приметувам дека книгите се на бугарски јазик, дека штандот е на некоја издавачка куќа од Бугарија.

Нема да пишувам нешто во смисла бугарите ни го украдоа народното творештво бла бла бла бла... ќе го оставам тоа на бранителите на македонската гордост (или што веќе).

Саем на книга е, луѓето си изложиле, си продаваат, некој кој можеби чита бугарски подобро од мене може и си купил. Она што мене ме интересира е каде да си купам книги на македоснки јазик од Цепенков? Еве не мора да бидат со тврд повез и нека не бидат толку евтини. Баш дадов ветување на луѓето што беа со мене дека ако најдаме македоски Цепенков на саемот ќе го купам без разлика на цена и сл.

Се разбира - не најдовме.

Авторско право за глупчовци

Submitted by Новица on

Tags: 

Во својот денешен број Вест ја продолжува приказната за „Зајди, зајди...“: НЕМА АВТОРСКО ПРАВО ЗА СТАРАТА МАКЕДОНСКА ПЕСНА "Зајди, зајди" е "Црни горо".

1. Нема авторско право за „Црни горо“ - точно, тоа е народна песна: верзии 1 , 2 (со аудио). Благодарам GoodBytes.

2. Не знам дали овие две различно се пеат (т.е. дали имаат различна мелодија). Ако не, тогаш мелодијата на втората песна е очигледно различна од онаа што ја има „Зајди, зајди...“.

3. Ако земеш народна песна и ја преработиш тогаш тоа е твое авторско право. Еве што мислел Сариевски за тие работи: Зар поединецот автор не е народ?!.

4. Оттука, „Зајди, зајди...“ е авторско дело на А. Сариевски (иако има бројни прашања кои остануваат неодговорени во врска со тоа - видете ја горната врска)

5. Се воздржувам од коментари за, цитирам од Вест: „Присвојувањата на македонските народни песни не само од поединци кај нас дома, туку и од другите соседни балкански народи одат во прилог на повеќедецениските напади врз македонскиот идентитет...“.

Во Македонија соништата (сепак) се остваруваат

Submitted by Новица on

Tags: 

Веста што особено ме израдува оваа недела е дека во Скопје излегол нов магазин - Авангарда (avantgarde), чиј уредник е Зоран Зафировски.

Издавањето на магазин е дамнешна идеја на Зоран. Почетоците се уште во студентските денови, кога и јас му помагав. Тесктот за Вилијам Гибсон кој ми стои на блогов беше наменет за тогашниот прв број. Тогаш тој проект не се реализираше воглавно заради недостатокот на пари, што беше и поприлично разорачување бидејќи и јас, како и Зоран, бев gung-ho за идејата.

Така, денес ми е многу мило што Зоран никогаш не се откажа од својот сон да издаде нов магазин во Македонија. Се надевам дека овој пат проектот ќе биде успешен. Честитки!

Wishlist: уште место на flickr со pro сметка

Submitted by Новица on

Tags: 

По ѓаволите... ова веб2.0 е полно со изненадувања. Еве што ми вели мојата flickr сметка:

Hey Novica! About your photos...

You've run into one of the limits of a free account. Your free account will only display the most recent 200 photos you've uploaded. All of your photos beyond 200 will remain hidden from view until you either delete newer photos, or upgrade to a Pro account.

None of your photos have been deleted, and if you upgrade, they'll all come back unharmed.

Па ако некој си мисли да ми подари нешто, дали за роденден или за 1ви мај, има некои долгови кај мене, или пак само сака да ме почасти, еве опција: flickr pro сметка. :)

Хм, а може и да си отворам друга сметка за следните 200 слики.

Индустријата е мртва, да живее индустријата

Submitted by Новица on

Tags: 

Велигденските празници ги поминав во еден планинарски дом близу селото и рудникот „Тајмиште“ во кичевско. Рудникот што бил таму сега е само рушевина. Кој што успеал да украде - украл. Тоа што не може дома да се носи останало да зјае така празно.

Некои слики за илустрација има на http://www.flickr.com/photos/novica/tags/индустрија.

Било како било, останува да видиме дали иднината ќе донесе замена на тешката метална со лесна туристичка индустрија, бидејќи местото сепак е поубаво за шетање, отколку за копање.

:)

Pages