Денес пак се зезав на интернет. Меѓу другото го искликав стартиот квиз „Кој оперативен систем си ти?“. Јас испаднав Slackware. После најдов уште еден квиз „Кој спамер си ти?“. Таму се усреќив со извесен Лоренс Оби.

На крај, од клик - на клик, се вратив на Wikipedia и јапонските цртежи-девојки за оперативни системи. И уште вакви сликички (и стрипчиња) тука. :)

Creative Commons издаде нова лиценца која се однесува на земјите во развој, поточно на авторите кои живеат во земјите во развој (како Македонија). Лиценцата им овозможува на авторите да дозволат нивните дела со големи слободи да се користат во земјите во развој, додека во развиените земји би се применувале стандардите услови на законите за авторски права (се разбира, освен ако авторот не одлучи поинаку).

Мислам дека нема што многу да се објаснува многу околу ова. Доколку оваа лиценца фати моментум, земјите во развој ќе можат многу полесно да соработуваат меѓу себе без да се плашат дека нивната интелектуална сопственост ќе биде потценета од развиените.

Инаку, одамна мислам да напишам нешто повеќе за Creative Commons, ама никако да стигнам. Па да ја искористам приликата да ве упатам на 2-3 врски плус:

• Листа на сите Creative Commons лиценци;

• Хрватска иницијатива за Creative Commons лиценци на хрватски јазик;

• Лесна форма за избирање лиценца која ќе одговара на вашите потреби.

Пошто Томе (мртва врска) одлучил да спомне нешто, еве јас да појаснам. Сабејлечки кликам на linux.net.mk обележувачот, и оп, гледам албански знамиња и други обележја на страната. Си мислам некој да не се зезал, му ѕвонам на Стојмир и констатираме дека станува збор за the real thing.

Испаѓа дека извесен mhz искористил некој (додуше прилично стар) exploit и го рокнал сајтот. Пото брзо, брзо се пофалил (затворен форум) кај другарите. Таму ќе видите и кој се друг бил жртва на малата вжештена глава.

Искрено не верувам дека mhz е од Македонија, но кога би дознале дека е, радо би му стегнале една тужба. И така новиот кривичен закон е добро среден за ваквиот криминал.

А да, и две слики од кракот:

Се ставив во некој сурферски режим последниве саат-два. Заглавив на Wikipedia и на нејзините страни - сестри. Утре државен празник па може и името на нашава земја ќе се појави на главната страна на Wikipedia во делот Selected anniversaries.

Aко барате добар tagline, одете на Wikiquote. Јас начекав еден од прва: "A bus station is where a bus stops. A train station is where train stops. On my desk, I have a work station..."

Додуше, побарав дали има цитат од некој познат(?!?) македонец. Од Гоце нема, од Славко (Јаневски) нема. Аха, добро, од Ацо освојувачот има, но Самоил го нема. Се опробав и на балкански рамки - Тито го нема, Иво Андриќ е тука.

Сега го читам Вуди Ален.

После толку многу муабети за тоа дека патентите можат да му нанесат силен удар на слободниот софтвер, еве малку олеснувачки вести. Daniel B. Ravicher од
Public Patent Foundation, се обидува да го исчисти воздухот со малку логика. Заклучокот е дека неслободниот софтвер треба повеќе да се плаши од патентите, а слободниот помалку. Прочитајте тука.