Забелешка: Почнав да го пишувам текстов утринава. Во меѓувреме се случија некои други работи поврзани со оваа тема како на пример дискусијата на листа и http://wiki.lugola.net/За_заедницата. Овој текст не е одговор на тоа.

До сега пишував за тоа дека придружувањето во заедницата на корисници на слободен софтвер не е така лесна работа, како што вели поговорката не е „брцни прачка, пиј вино“. Има некои правила како сето тоа функционира без разлика како тоа може да му изгледа на некој од надвор. Исто така, пишував за тоа дека ако некој не е задоволен од тоа како (изгледа дека) функционираат работите, а силно верува во слободниот софтвер, може да отпочне свој потфат кој, ако се покаже како подобар, ќе ја помножи со нула сегашната нездрава пракса на заедницата.

Овој текст (сите три всушност) не се за оние кои навистина сакаат да помогнат (тие веќе тоа и го прават и не чекаат покана) и да станат дел од заедницата (тие веќе се дел). Овој текст е за другите.

Можете да почнете со тоа што ќе ја промените лиценцата на вашиот блог или друга содржина на Интернет. Ако за содржините на вашиот блог сите права ви се задржани или пак користите некоја неслободна лиценца (како на пример http://creativecommons.org.mk - cc-nc-nd), тогаш тешко ќе и пристапите на заедницата која користи слободен софтвер и се залага за слободна култура. Ако се сложувате со ова и ви требаат повеќе информации тогаш посетете ја http://freedomdefined.org/ и видете детали за лиценците.

Втората работа што можете да ја направите е баш нешто да сработите: на пример, ни требаат ловци на бубачки. Ако ви е тешко да сфатите како функционира системот кој го користиме и таму да ги пријавиме грешките, еве, пишете ми мене со грешките кои сте ги пронашле и јас ќе ги пратам до местото кај што треба.

Ако сепак барањето на грешки во преводите не е баш она што ве интересира, пријавете се да одржувате некој превод. Тогаш ќе се најде некој друг да пријавува грешки кај вас.

Still not your cup of tea? Погледајте ја листата со работи што треба да се направат. Има таму за секого по нешто. Сигурен сум дека барем едно ќе ви фати око.

Сигурно нема да направите ниту една од вие работи, бидејќи едноствано не ви е гајле. И јас сум ОК со тоа. Што е - тука е.

Голем поздрав до сите! :)

Дефиницијата е тука: http://freedomdefined.org/Definition/Mk

Коментари се добредојдени на јачичето за дискусии.

Пред 3-4 години кога истражував како да се преведе Мозилата (верувајте прилично заебано се преведува) наидов на една страница за проектот Феникс, зачетокот на Firefox. И читам на страницава нешто таму, им требале луѓе, кодери, а-у, во смисла: ако сакате да помогнете, помогнете, приклучете се, ете ви го кодот, снајдете се, ако не фак оф. Имаме многу работа, не можеме да ве држиме за рака како дете. И толку. За Firefox. Ова е добар пример, запаметете го.

Имавме flame war. За тие што не знаат: Flaming is the act of sending or posting messages that are deliberately hostile and insulting, usually in the social context of a discussion board on the Internet. Such messages are called flames, and are sometimes posted in response to flamebait. (http://en.wikipedia.org/wiki/Flame_war). Додека: Flamebait is a message posted to a public Internet discussion group, such as a forum, newsgroup or mailing list, with the intent of provoking an angry response (a "flame") or argument over a topic the troll often has no real interest in. (http://en.wikipedia.org/wiki/Flamebait). Кај нас во игра беа блоговите, но тоа суштински не менува ништо.

Понатаму: Flaming is said by some to be one of a class of economic problems known as The Tragedy of the Commons, when a group holds a resource (in this case, communal attention), but each of the individual members has an incentive to overuse it. Flamers usually call their flames justified attacks. Тоа што општото (communal) внимание беше затрупано со срање, предизвика некои важни теми да останат на страна, незабележани. На пример: http://kiberkotle.net/2007/06/letter-to-cc-mk. И тоа е башка тема за дискусија. Исто така, благодарение на флејмот, одлучив да си додадам ЧПП на блогов. :)

Е сега, има едвај две работи за кои што јас мислам дека треба да се дискутира, а кои се провлекоа низ срањето. Едната е замислата за „македонскиот синдром“. Искрено не се сеќавам кај го прочитав тоа, но инстиктот ми кажува дека тука има една мала, но добра приказна. Сепак, нема сега да се занимавам со неа. Некако времето не и е дојдено. Ќе почекам додека соберам соодветни податоци.

Втората е прашњето за заедницата, или како што вели Би: „За џабе вие зборувате за споделување, слобода и соработка кога вашето комјунити за другите луѓе изгледа затворено за соработка, самобендисано и арогантно“.

За мојов експеримент ќе ја земам реченицава само со неколку празни места: За џабе вие зборувате за xxxxx, кога вашата заедница за другите луѓе изгледа xxxxx“.

Прилично сум убеден дека оваа реченица може да важи за секоја социјална група. Веројатно има заебани теории во социологијата за тоа како фунцкионираат заедниците и како некој станува дел од некоја заедница, како се приклучува, како се исклучува и сл. А она во што сум сигурен е дека можам реченицава да ја искористам за, на пример, да ги критикувам блогерите: За џабе вие зборувате за интернет новинарство, блогирање и информирање на јавноста, кога вашата заедница за другите луѓе изгледа аматерска, полна со детски теми и несериозна.

Исто така можам да ја искористам за да ги критикувам сите корисници на Интернет: За чабе вие зборувате за слободен проток на информации, p2p и размена на култури, вашата заедница за другите луѓе изгледа на друштво на пирати, сурфери на порно и луѓе кои денгубат по форуми.

Можеме да дебатираме зошто различните заедници изгледаат така и да спориме дали се или не се такви. Но, можеме и да го прифатиме тоа и да продолжиме понатаму. Кога блогерите имаат собир и кога јас ќе дојдам (а јас не се чувствувам баш како блогер и како дел од таа заедница - Дарко може да потврди), мене таа група, заедница „ми изгледа некако“. Исто, „некако ми изгледа“ и НМП на нивниот собир, иако повеќе луѓе од таму ми се добри пријатели и сум член на нивната поштенска листа. Слично е и со мк.Википедија, иако таму сум придонесувал содржини.

Значи мора да постои еден чекор плус што треба да го направи за да стане член на некоја заедница. Јас сакам да кажам дека сите кои користат слободен софтвер се дел од заедницата, но тоа не е баш така. Жалам навистина. Работите не функционираат така. Не е дека „ние од слободен софтвер“ така сакаме. Едноставно општеството така вели. Јас би сакал тоа да се смени, но веќе имам една општествена револуција со која се занимавам, па ова ќе мора некој друг да го прави.

И што да правиме сега? Сакате да бидете „дел од заедницата“? Ќе мора да направите нешто повеќе. 2-3 текста за слободен/отворен/бесплатен софтвер на вашиот блог не се доволни. Не е доволно ни да користите Firefox или Ubuntu. Ако сакате навистина да станете препознатлив дел или почитуван член од заедницата ќе морате да направите уште некој чекор.

Ако не сакате, тогаш првата опција е да си ќутите. Така правам јас кога не ми е премногу важно дали сум или не, на пример, дел од „блогерите“. Не ги изнесувам моите или туѓите предрасуди за тоа „како изгледаат тие“. Втората опција е да мрчите, дека „тие од слободен софтвер се вакви или онакви“. Тогаш правите flamebait и се случува срање.

Мора да признаам. Поразен(и) сме. Би, во право си. Ние намерно го бојкотиравме настанот во Холидеј ин. Ние сме крајно елитистичка организација/заедница, туку речи како секта. Ние сме искушувачи, арогантни, самобендисани, герилци, пирати. Ние настапуваме со потценување кон другите, за нас, обични смртници. Секоја почит за храброста да го изнесеш ова јавно, па луѓето да можат да дознаат со кого си имаат работа.

Се разбира, на било кој што може да собере два и два ова нема да му личи на точно и логично, но што знаат луѓето. Работите не се такви какви што се, туку какви што изгледаат.

Веќе три дена се обидувам да откријам која е тезата која сакаш да ја савиш пред сите нас за дискусија. Навистина не можам да ја најдам во сиот тој густо чукан текст. Вториов запис ти е без врска. И самата ќе си го признаеш тоа ако размислиш малку и си искрена кон себе. Без врска ти е бидејќи што и да си сакала да кажеш за CC, за настанот, за нас, за било што - тоа не е таму. Записот е за ти да не останеш неразбрана, бидејќи така се чувствуваш после реакциите од првиот запис. Записот е за тебе. Можеш колку сакаш да објаснуваш дека „ти се допаѓа што нешто размрда во однос на размислувањата за CC, слободниот софтвер и слободната култура“. Внимателниот читател ќе види дека тоа е ефтин изговор за одбрана на суетата.

Првиот запис исто така ти беше без врска. Таму исто така нема теза. Сакала ти да призаеш или не, со првиот запис заземаш страна во прашањето „Ито во Точка“ и тоа го правиш без да ги прашаш двете страни (зошто заборави да ги прашаш тие кои си одлучила да ги напаѓаш?). И откако ја заземаш страната правиш напад над луѓето од Слободен софтвер Македонија. Иако не ги пишуваш нивните имиња, јасно може да се прочита од поттекстот кон кого е насочен нападот.
Потоа, во коментарите кај тебе и на своите блогови, луѓето се бранат себе си. Тоа е тоа што луѓето го прават кога ќе бидат нападнати - се бранат. Можеби не си мислела така да ти излезе текстот, но така излегол. А тоа не е начин да се води дискусија и за тоа учевме уште во средно училиште на часовите по логика и филозофија.

Дали сум разочаран од тебе?

Да разочаран сум. Не можам да поверувам дека човек со високо образование кој е на постдипломски студии може да напише таков троловски текст, со ad hominem напад кон луѓе со кои претходно немал никави замерки.

Но, да се позабавиме малку со ова. Дали си едноставно таков човек? Значи, дали ова не е нешто што си го направила намерно кон нас, туку твоја постојана пракса? Или дали можеби си имала искрени намери кон прашњето за CC во Македонија?

Само со читање на твојот прв запис јасно се гледа одговорот на овие прашања. Одговоро е не. Бидејќи ако беше да, и ако беше ти вистински загрижена за тоа кој присуствувал, а кој не, на настанот во Холидеј ин текстот немаше да ти започнува со „Зошто не бевте присутни вие од слободен софтвер?“, ами со „Зошто не бевте присутни вие што поддржувате CC, па блоговите ви се такви, фотографиите ви се такви итн“. Значи, повторно, ова е директен напад со точен фокус и повоторно, тоа не е начин да се води дискусија. Во вториот запис ќе се обидеш да се извадиш од оваа ситуација со: „прво морам да нагласам дека јас не нападнав никого лично и воопшто не нападнав личност“. Но навистина, само неколку реда погоре ги набројуваш сите на кои се однесувал твојот прв запис, кој дефакто беше напад. Да, секогаш можеш да речеш дека си ја осудила постапка која си сметала дека не е во ред. Гледај, и јас овде не те напаѓам тебе, туку осудувам постапка која сметам дека не е во ред.

Доследноста во твојата недоследност се гледа и преку тоа што баш сега одлучи да изреагираш на прашањето за тоа кој и каде присуствувал на настани кои се за промовирање на CC. Веќе долго време не сум те видел на некое кино во Точка каде воглавно се пуштаат CC филмови. Впрочем најголем дел од проекциите ние сами себе си ги пуштаме филмовите. Каде е тука загриженоста? Каде се сите пропагаротри на CC да дојдат и да гледаат и да дадат поддршка на CC? Каде е критиката (нападот?) кон нив поради тоа што не го прават тоа?

Дали сум разочаран од тебе?

Да разочаран сум. Не можам да поверувам дека човек со високо образование кој е на постдипломски студии може да биде така лесно изманипулиран и да биде доведен во ситуација да биде гласноговорник на Метаморфозис, да им ги пере валканите алишта.

Знам, срање е кога човек ќе сфати како го изиграле и што направил, па потоа со сите напори се труди да објасни дека едно било како што изгледа, друго било како што е.

Дали сум разочаран од тебе?

Да разочаран сум. Се уште не можам да ја најдам тезата што ја поставуваш пред нас. Можеби само сакаш да знаеш е тоа дали, ако се одржуваше презентацијата на Џои во Точка, ќе присуствувавме на настанот? Ако е така, ќе ти го одговорам прашањето, иако не ми е воопшто јасно зошто пишуваш толку многу текст за да поставиш само едно прашање:

Одговорт е не знам. Не знам што мислиш под тоа „дали ќе присуствувте“, бидејќи не знам на кого се однесува. Ако ја прашуваш „Слободен софтвер Македонија“, тогаш одговорот во втора итерација е не. Слободен софтвер Македонија како правно лице, на настани организирани од други правни лица, присустува само ако добило покана. Тоа не мора да биде некоја фенси покана, иако се радуваме на такви, доволна е само една порака на службената адреса на организацијата - info_на_slobodensoftver.org.mk. Ако ја прашуваш „заедницата“, тогаш колку јас знам заедницата беше таму без разлика на тоа дали Ито ќе доаѓал во Точка или не. Колку јас знам и ти си дел од заедницата бидејќи користиш Убунту. Сепак и ова е интересно бидејќи ти ги нападна другите луѓе од заедницата кои биле таму, за нивното однесување, а луѓето поставиле сосема легитимни прашања. Ако ме прашуваш мене, тогаш можам да ти одговорам дека во тој момент имав поважни и повозбудливи работи за правење одошто да присуствувам на некој промотивен настан. И ако Ито доаѓаше во Точка, тогаш веројатно пак ќе отсуствував од Холидеј ин бидејќи ќе требаше да се подготват работите во Точка за кога човекот ќе дојдеше да предава се да биде спремно. Извини ако моето отсуство некако посебно те навредило тебе или некој друг од присутните.

Се разбира, нема да ти се допаѓаат сите реакции кои ги доби како одговор. Мудрите филозофи советуваат дека човек на нападот треба да возврати со исти мерки - мислам дека воглавно тоа го правиме. Можеш да оцениш дали и мојов текст е како твојот, или пак не е? Или пак изгледа како да е, ама не е? Или изгледа како да не е, ама е? И можеби ако мислиш дека е, а изгледа како не е, тогаш навистина е? Уф, заебано.

Значи, дали сум разочаран од тебе? Да разочаран сум. Читај: Р А З О Ч А Р А Н!

Сепак, како што вели една хакерска поговорка: човечки е да се греши, за навистина да заебеш треба да си root. Направи грешка, прифати го тоа. Ние ќе прифатиме дека си немала зла намера.

Се надевам дека и во иднина ќе ги следиш случувањата околу слободниот софтвер и слободната култура и ќе бидеш и понатаму бескомпромисна, но со повеќе аргументи и луцидност, кога ќе пишуваш.

А, ако сакаш навистина да поттикнеш корисна дискусија, секогаш можеш тоа да го направиш на некоја поштенска листа. Впрочем тие за тоа служат.

Честитки до сите по повод лансирањето на CC Македонија.

Задолжителна лектира пред лудото славење: Towards a Standard of Freedom: Creative Commons and the Free Software Movement.

Работам на ова: http://freedomdefined.org/Definition, па ако некој сака да помогне бујрум.

Патем, разочаран сум што на http://creativecommons.org.mk/ гледам дека договорот е најрестриктиовниот можен договор - by-nc-nd, особено кога http://creativecommons.org/ е само by. Башка, и врската не води до македонскиот deed.