Врска.

Книгава излегува на 7 август.

:)

Не знам веќе:

• дали да ми биде смешно што веќе со години ниедна служба во државава не е спремна да ја заврши работата (сетете се на службите за снег кои секоја зима - освен оваа - беа изненадени кога ќе паднеше снег во декември/јануари) и тоа се повторува со пожариве;
• дали да бидам загрижен што медиумите во Македонија (конечно после долгогодишно гледање на cnn вести) научија да прават сензација, да профитираат на несреќата и да шират паника;
• дали да се чудам на тоа како јавните претпријатија самите си ги поткопуваат напорите за штедење на вода: кога комунална хигиена собира ѓубре (барем по мојата улица) прави депонија - пола од ѓубрето во камион, пола на улица, и тоа така смелено и смрдливо. Тогаш луѓето го прават она што им доаѓа природно. Го земаат цревото и прскаат за да го соберат и зачистат ѓубрето. Потоа улицата едно пет минути изгледа како ноемвриски дожд да се истурил на нејзе (Водовод извини!);
• дали да бидам немоќно изнервиран од ситуацијата во која сиромашниот југ најмногу го јаде од глобалното затоплување кое воглавно го предизвикува развиениот север и која е маѓепсан круг бидејќи северов продолжува по старата пракса (добро и Кина);
• или дали да барам информации како се купува имот на Гренланд или нешто слично.

А да, Републиката во пламен. Баш некако пригодно пред Илинденските празници. :)

Пред пар години бев на еден состанок во OSCE со Кристијан Молер од http://osce.org/fom. Човекот си замина среќен од тој состанок бидејќи повеќе луѓе со своја историја на Интернет, секој на свој начин, кажаa дека во Македонија нема цензура на Интернет.

Дали такво нешто сега е на повидок?

Не верувам дека било која Влада може да се брчка така лесно во така осетливи прашања кои постојано се под будното око на повеќе меѓународни организации. Но, ми се чини дека ова често е еден од главните проблеми во македонската граѓанска свест. Штом некој друг пази, ние ќе се опуштиме. Ова можеби фунцкионира за некои работи, но секако ако сами не се грижиме за сопствената слобода тешко дека на другите ќе им биде многу важно тоа.

Ако сте навистина загрижени за можните импликации од текстот објавен во „Време“, напишете ги своите реакции до „Време“. E-mail пораки и записи на блог не се доволни. Напишете писма на хартија и испратете ги. Напишете доволно писма и тоа порано или подоцна ќе произведе резултати.

А, што да се прави со авто-цензурата? Штета што блогот на мечето Ушко не е под некоја слободна (или неслободна, но CC) лиценца. Така ќе можевме лесно да го спасиме од самоуништување.

Поврзана лектира: http://www.eff.org/br/.

Изминативе 2 месеца прочитав 2 книги. Ги прочитав „Код(от) и други закони на киберпросторот“ верзија 1 и „Слободна култура“ двете од Лоренс Лесиг.

Одлични книги за секој што го интересираат темите поврзани со Интернет, технологиите, културата, авторските права итн. Иако во најголема мера зборуваат за САД и ситуацијата таму, ми се чини дека поголем дел од анализите се валидни за секоја држава во светот посебно поради тоа што Интернетот и технологијата околу него се такви какви што се и имаат влијание насекаде.

Книгиве веќе некое време се дел од библиотеката на Слободен софтвер Македонија, па можете да ги побарате ако сакате.

Откако се ребрендира со зелени бои, Космофон можеби ќе стане и зелена компанија. Денеска ми стигна сметката со значително помалку хартија отколку минатите месеци. Извештаите почнале да ги печатат двострано што значи 3-4 листа хартија помалку за секоја сметка.

Не знам колку дрва се спасуваат со ова, но некако ми се допаѓа гестот.

Патем, се уште се буљаши за други работи.

Ручам денеска и во позадина слушам пренос од финалето на Вимблдон на Телма. Од време на време се вртам да видам што се случува и после неколку пати сфаќам дека исто ми се фаќа.

Коментаторот цело време раскажува што се случува на теренот - па не морам да погледнувам воопшто. Ова е дефинитивно глупаво бидејќи ако гледам во телевизорот ќе видам дека „Федерер удрил одлично со форхендот“. Тоа се гледа на ТВ. Тоа не треба да го чујам од ТВ коментаторот. Тоа е за на радио.

Никогаш не сум чул како странски (англиски) коментатор коментира тенис, ама сум ги чул разликите, на пример, во коментирање на фудбал и скијање помеѓу нашите и страниците. Нашите општо земено не ги бива. Штета.

Текстот на Гудбајтс Специјален извештај на Financial Times за Македонија ме потсети на еден скорешен текст на Иво Шкориќ (забелешка: не знам кој/што точно е Иво Шкориќ, но ми се чини дека откако следам nettime (веќе 8-9 години), тој речиси цело време пишува за Балканот и сл.) во кој тој зборува за Македонија.

Текстот: New Business Heaven in Europe.