Што ќутите?

http://www.ubuntu.com/download/desktop

Лери Лесиг го најави своето повлекување од работата на прашањата за авторски права на iSummit-от кој се одржа во јуни во Дубровник. Новата тема со која академски ќе се занимава е корупцијата.

Речено - сторено и Лери веќе има алфа верзија на говор на темата се разбира во неговиот лесиговски стил: врска.

Презентацијата е интересна за гледање па ако имате 1 час слободно време можете да го посветите на неа.

Интересно, пред нешто повеќе од еден месец и Венко Андоновски во Утрински пишуваше на оваа тема: врска. Ми се чини дека со Лери на моменти допираат слични теми.

А Лери се разбира има вредни цитати. Томас Џеферсон на пример:

We should look forward to a time, and that's not a distant one, when corruption in this, as in the country from which we derrive our origin, will have seized the heads of government, and be spread by them through the body of the people, when they will purchase the voices of the people, and make them pay the price.

Мирче Јовановски во Утрински весник пишува:

Сепак, за прескокнување на информатичкиот јаз не е доволно само да се има компјутер дома. Потребно е дополнително намалување на цените на Интернетот, изработка на македонска верзија на програмите (барем на оние што најмногу се употребуваат), натамошна обука на населението...

Јас, вака задоцнето, сакам да го потсетам Мирче дека македонска верзија има од WindowsXP и MS Office, а исто така и од сиот софтвер кој се произведува во Македонија од страна на домашните компании.

Се разбира македонски верзии има и од голем број на други софтверски пакети кои се слободен софтвер. Еден нецелосен список има на викито за слободен софтвер: врска.

А натамошна обука се случува постојано на настани како Денот на слободниот софтвер и Сподели знаење. Зошто Мирче не ги известиш граѓаните за ова?

Државнава матура станува хит тема. Денес Вест напишал дека:

И професорите се плашат од матура

"Професорите ни велат да не го избереме нивниот предмет, зашто ништо не сме знаеле и дека ќе ги посрамотиме. А ако, пак, го одбереме предметот, приватно да сме си земале дополнително часови" (Врска.)

Веројатно времето ќе покаже дали средношколските протести и овој пат се водени од политички партии - но што со матурата?

Си мислам дека добра опција е матурата да не биде задолжителна, но да бара учениците кои одлучиле да ја полагаат да мора темелно да се подготват.

Да има тестови од мајчин јазик и англиски јазик (на ниво на TOEFL/IELTS), работа со компјутери и плус 2-3 други предмети - што по избор, што задолжителни. Тестовите да бидат еднакви за сите, на хартија, со компјутерска проверка за да се намали можноста за разни малверзации. Ако вкупната оценка оди најгоре до 10, тогаш оние што ќе имаат најмалку 8.5 добиваат државен ваучер (сите трошоци покриени) за студирање на било кој од универзитетите во Македонија. Значи замислувам да нема државни универзитети воопшто. Сите што имаат над 7 можат да конкурираат на универзитет во сопствена финансиска режија. (Добро, универзитетите можат да прифаќаат и понизок резултат - но клучно е да не организираат свои тестирања).

Државата може исто така да одреди дека за работа во државна администрација (ако не се бара високо образование) потребна е матура со даден резултат. Така и тестирањето во Агенцијата за државни службеници ќе се анулира. Оние кои ќе одберат да не полагаат матура нема да можат да работат во државните служби. Се разбира, државата ќе треба да обезбеди дополнителни тестирања за сите оние кои прво одлучиле да не полагаат или пак не се задоволни од постигнатиот резултат. Но, овие да се случуваат заедно со сите други - на крајот на учебната година.

Што знам. Идејава ми се чини како практична. Можеби некој од Министерството за образование го чита блогов. :-)

Уште една интересна презентација: врска.

Човеков многу си ја сака работата:

...few people will appreciate the music if I just show them the notes. Most of us need to listen to the music to understand how beautiful it is. But often that's how we present statistics; we just show the notes we don't play the music.