Баталете мал фудбал, баскет 3 на 3, ролање по кеј и слични заебанции. Вистинскиот спорт е шах. Еве како тоа го прават луѓето во Сараево:

И ова не некој шах а-ла Боби Фишер или Гари Каспаров. Овде се вика, се пцуе, се делат гласни совети, му се мрчи на противникот, и се мрчи на публиката, публиката возвраќа, потези се враќаат, па не се враќаат, па се враќаат, па се вика, па се пцуе... и пак од почеток.

Можеби повеќе на боксерски меч заличува. :)

Гик-хак собирот во Сараево низ слики: http://www.flickr.com/photos/novica/tags/размена/

(Flickr работи и со кирилични лепенки (tag-ови). Супер.)

А еве и луд доказ дека хакирањето не е само со компјутери:

Во Скопје времето беше топло и суво, па јас лежерно си ги земав старите патики за пат. Но, Сараево беше друга приказна - ладно и дожд.

Старите патики, се разбира попуштени во својата градба, не се снаоѓаат најдобро на дожд, па веќе во првите неколку часа беа жива вода. Соочен со опасноста водените обувки да влијаат лошо по моето здравје, веднаш по враќањето во станот каде што бевме сместени ги исушив патиките со фен. Потоа, за да се обезбедам од иден упад на водата до моите нозе во патиките ставив влошки (онакви женски, за месечен циклус). :)

Се покажаа како посебно ефективни. Ја собраа водата што навлегуваше низ дупките на ѓонот, а други проблеми не предизвикаа.

Врнеше нели минатата недела, па снимив некои интересни моменти со поплавата, па ги закачив на фликр (благодарност до Игор), и еве сега си блогирам за тоа. :D