После блогерскиот собир, а во очекување на гасењето (се надевам кратко и привремено) на македонската ГНУ/Линукс планета и без можност да видам колку тоа луѓе го читаат блогов (заради едноставноста на софтверот на кој работи), ве упатувам на еден одличен текст, додуше малку стар (од 96-та е), но сеедно добра лектира.

A Small Net in a Big World, или Зошто е важно да се биде медиум од Geert Lovink (парцијален превод на Багра).

„Дали го замислувате интернетот како гностички заговор против трулиот, матријален свет кој сакаме да го оставиме зад нас? Да бидам искрен, јас не мислам така. Гледано од анти-капиталистичка, активистичка, автономна/анархо гледна точка, медиумите пред се се прагматични алатки, не метафизички ентитети.“

(...)

„Слободата на изразување и медиумите ќе бидат остварени само тогаш кога можноста „нешто да се пренесува“ ќе биде целосно инкорпорирана во дневниот живот на „милионите“. Според мене, секое движење за либерализација може да придонесе за уништувањето на медиумските монополи со тоа што ќе објави графит, памфлети, фанзини, слики итн. Жалењето за мултинационалните медуимски џинови не е доволно. Конечната цел би била „демократизација на медиумите“ и на крај „исчезнувањето на медиумите“. Ова оди подалелку од само учествување во форуми на други луѓе. Потребна е целосна дисперзија на опрема и знаење во општеството. Смешниот спореден ефект што ќе произлезе од ова е тоа што медиумите ќе бидат се помалку и помалку важни.“