Некаде прочитав дека белата позадина троши значително повеќе струја од црната. Кога Гугл би прешол на црна страница, светот би заштедил 750 мегавати струја. Јас еве со правам мал придонес кон штедењето на енергија со изменето css на блогов.

Ми се чини дека има и еден сервис кој е таков црн гугл ама сега не ми текнува на url-то.

ps. ми текна

Баталете мал фудбал, баскет 3 на 3, ролање по кеј и слични заебанции. Вистинскиот спорт е шах. Еве како тоа го прават луѓето во Сараево:

И ова не некој шах а-ла Боби Фишер или Гари Каспаров. Овде се вика, се пцуе, се делат гласни совети, му се мрчи на противникот, и се мрчи на публиката, публиката возвраќа, потези се враќаат, па не се враќаат, па се враќаат, па се вика, па се пцуе... и пак од почеток.

Можеби повеќе на боксерски меч заличува. :)

Гик-хак собирот во Сараево низ слики: http://www.flickr.com/photos/novica/tags/размена/

(Flickr работи и со кирилични лепенки (tag-ови). Супер.)

А еве и луд доказ дека хакирањето не е само со компјутери:

Во Скопје времето беше топло и суво, па јас лежерно си ги земав старите патики за пат. Но, Сараево беше друга приказна - ладно и дожд.

Старите патики, се разбира попуштени во својата градба, не се снаоѓаат најдобро на дожд, па веќе во првите неколку часа беа жива вода. Соочен со опасноста водените обувки да влијаат лошо по моето здравје, веднаш по враќањето во станот каде што бевме сместени ги исушив патиките со фен. Потоа, за да се обезбедам од иден упад на водата до моите нозе во патиките ставив влошки (онакви женски, за месечен циклус). :)

Се покажаа како посебно ефективни. Ја собраа водата што навлегуваше низ дупките на ѓонот, а други проблеми не предизвикаа.

Секогаш кога патувам кон Србија* гледам дека имаме се подобар и подобар граничен премин. Нови зградички, огради, куќарки... се инвестира на големо. И така, по последново патување ми дојде да се запрашам зошто толку инвестирање во нешто што „кај и да е“ нема да ни треба, бидејќи нели „сите одиме кон ЕУ“.

Чуму толку модерни премини кои ќе зјаат празни за пар години? Па, си мислам... веројатно нема да бидат во прашање пар години. :)

Балканов и така не е некое популарно место. А сега, кога уште ние од „западен балкан“ не сме во ЕУ, колку и да биде пократко од кај нас, србите и хрватите, сите патишта ќе одат низ безграничниот простор. Никој нормален не би се шлаел со џандари и цариници на 3 држави, па макар тоа му заштедило 500 км.

Гњаважата што треба да се претрпи на нашите граници зачудува особено кога се знае дека вистинскиот шверц и слични срања не се случуваат баш на официјалните гранични премини, исто како што се знае дека разни крими линии главниот тек го имаат низ „нашиве млади демократии“.

И се прашувам како тоа кога со маки стекнатите надлежности и права конечно и славно ќе ги предадаме во Брисел, сите сомнежи во врска со патувањата на обичните луѓе ќе исчезнат, па нема да се проверуваат ни пасоши ни бутур...

И пак заради тоа ми се чини дека Македонија (и некои нејзини соседи) не сака баш да оди во ЕУ. Инаку зошто толку би си ги малтретирале граѓаните?

*Опасно добра финта е тоа што иако најчесто патувам до нашиот северен сосед, излегува дека во последниве години всушност сум посетил 3 држави: СР Југославија, Србија и Црна Гора, и сега Република Србија. Топ! :)

Абе, не знам дали спомнавме, ама јас, Дамјан и Стама сме во Белград на еден интересен настан за слободен софтвер.

slobodnakultura.org

Епа, поздрав.