Make or brake за протестите

Submitted by Новица on

Tags: 

Make or brake за протестите - ќе биде тоа викендов.

Прво е соочувањето дека протестите не треба да бидат за правда за Мартин, оставка, казна за осомничениот и слично. Ова се краткорочни прашања кои (очигледно) власта нема (пре)голем проблем да ги испорача: правда ќе има, осомничениот е однесен во суд како и сите други, со маскирана полиција итн... ќе има судење, ќе биде брзо. Исходот може да биде секаков, од ослободување поради психолошки проблеми, до казна затвор... во секој случај судот ќе испорача правда.

Затоа протестите треба да бидат за нешто подолготрајно. Како што изгледа сум рекол повеќе пати, стопирање на полициската бруталност е некоја таква цел кон која може да се работи или пак поголема контрола над полициските работници од страна на разни, вакви, онакви институции.

Но, со ова заедно оди и соочувањето со тоа дека прашањето за (цивилното/граѓанското) надгледување над МВР и нивната одговорност пред правдата политичко прашање (како што беше твитано од Дамјан). Тоа ќе биде тешко да се објасни, особено пред мнозинство на луѓе што лесно ја поистоветуваат политиката со партиите.

Ако ова се преброди, тогаш артикулирањето на една јасна цел / парола / повик е многу важно. Нешто што ќе биде лесно да се каже набрзина, но доволно отворено на дополнителни објаснувања доколку луѓето сакаат да слушаат. Ако речам „Стоп за полициската бруталност“ или „Цивилна контрола на полицијата“, тогаш го даваме одговорот на новинарското: „зошто / за што протестирате?“

Како мислиме тоа да се постигне е друго, дополнително прашање. Можеме да не се согласуваме за сите начини како на пример цивилно да се контолира полицијата: некој ќе рече преку општините, а некој преку невладините организации. Иако ова е широка дебата, формулирањето на овие точки ќе зависи од тоа чија агенда ќе превладее на дебатите помеѓу луѓето што протестираат.

Да, луѓето имаат агенда. Ние сега не знаеме сѐ, но во група од 500 - 1000 луѓе сигурно има такви што гледаат шанса за пробив во кариера (политичка или друга), за фаќање на проектче за организацијата каде што работат, за промовирање на левичарски или десничарски идеи... итн. Затоа многу е важно луѓето што се фаќаат за микрофон/мегафон и што се обраќаат кон групата заради некоја цел да се легитимираат пред протестната јавност. (Јас го направив тоа пред да почнам со моите барања до идните пратеници).

Потоа, протестите мора да завршат пред да се издишат. Иницијативата треба да премине во омасовување. Собирањето на улица може да биде нешто што ќе се прави еднаш неделно за да се види до кај сме со работата, но вистинските активности треба да бидат меѓу луѓето што не се дел од оваа иницијална каписла, кои мислат дека нема за што да се бунат сега, кои не се запознаени со проблемот на полициска бруталност, или кои мислат дека бруталноста на полицијата не е воопшто проблем. И тоа се луѓе кои најверојатно не се на интернет. Значи работата треба да се пренесе во физичкиот свет.

На крај, активностите треба да бидат насочени кон поединечен ангажман на луѓето. Веќе утврдивме дека не е толку тешко да се соберат потписи, нити е посебно тешко да се собере група што ќе блокира крстосница. Меѓутоа, тешко е да се поттикнат луѓето да бидат храбри и самостојни. Проблемот со злоупотребата на моќ е постои, меѓу другото, и поради тоа што се очекува дека луѓето нема да се бунат. Не можам да го најдам текстот сега, но денешните печатени медиуми носеа вест дека во земјава постои некој центар за поплаки, но во кој воглавно никој не се поплакува бидејќи на сите им е страв.

Затоа, сосема точно затоа, мислам дека испраќањето на писма од лично име (било тоа ова што веќе го објавив на блогов или некое друго) е важно и како промена на ритам и како покажување на желба за надзор на политичарите, и како омоќнување на луѓето.

Постојат, истот така, и бројни оперативни работи што треба да се направат. Но овие се полесни за договарање штом работата ќе биде поставена на здрави нозе.

За крај, никогаш не заборавајте дека чекаат да направиме грешка во чекори. И тогаш шансата ќе биде пропуштена.

Види и:
http://novica.softver.org.mk/node/622
http://novica.softver.org.mk/node/623
http://novica.softver.org.mk/node/624

2 Comments

Prvo izvinuvanje sto ne mozam

Submitted by Vasko (not verified) on

Prvo izvinuvanje sto ne mozam da komentiram na kirlica, ama tuka nemam instalirano MK poddrska.

Vtoro pozdrav za napisanoto vo blogot. So mojot komentar podolu, sakam samo da se nadovrzam na napisanoto i da napravam edna paralela so slicna situacija ovde.

Protestite sto se slucuvaat vo momentot se apsolutno vo red se duri ostanat mirni protesti i nezloupotrebeni od politicki poenteri. Vo momentot koga izleguvaat od kontrola, stanuvaat nasilni (a protestiraat protiv nasilstvo) i koga ke stanat zloupotrebeni od politickite partii, togas ja gubat sekoja smisla. Protestite i neorganiziranoto izleguvanje na ulica se potrebni vo odredeni opstestveni moment. Sepak, protestite ke dobijat smisla edinstveno ako od niv se izrodi nekoja konkretna organizirana forma na dejstvuvanje so mnogu konktreni celi. Mozebi nekoja organizacija (dvizenje ili kako i da se vika) koja sto ke bide korektor na postapkite na policijata, policiksata brutalnost, zakonite za prisluskuvanje i sloboda na dvizenje. Istata taa organizacija moze da organizira razni nastani na godisninite od smrtta za da ne se zaboravi sto e napraveno i zosto organizacijata postoi. Znaci ako toa e dolgorocnata cel na protestite, togas polna poddrska od mene.

E sega, dugoto sto sakav da go pisam bese za slicna situacija vo Montreal sto se sluci pred nekolku dena. Znaci, imase ubistvo na policijata na dvajca luge. Edniot navodno bezdomnik sto navodno se setal so metalen objekt sto svetka vo raka. Vo pukanjeto zagina i slucaen minuvac, covek sto si odel na rabota... Ubistvoto na prviot covek ako bese izolirano ke pominese gore dolu nezabelezano. Ama ubistvoto na vtoriot covek, izjavata i postapkite na policijata ja krenaa javnopsta na noze. POlicijata izleze i bukvalno izjavi: “nie ne sme krivi, bese nesreken slucaj zasto covekot se najde na gresno mesto vo gresno vreme” (koja idiotstina). Isto taka policiskite sluzbenici, 5 dena posle nastannot, ne se nitu intervjuirani nitu pak e pobarana nekakva sluzbena izjava (da ne zboruvame za nekakvo obvinenie, zatvor i slicno). Ne sakam ovde da dodavam sto se slucuvalo vo organizacijata na G8 lani. Policicskite sluzbenici se zastiteni enormno. Primerite za prekumerna upotreba na sila se sekojdnevie. Fakt e deka policiskite sluzbenici gi precekoruvaat ovlastuvanjata i mnogu lesno se fakaat za oruzje. Ima delovi vo gradot vo koi sto ako vidis policija podobro begaj nastrana zatoa sto ima golema sansa da bides provociran od policijata.

Ova vtoroto go kazuvam za da go istaknam faktot sto na protestite osven sto treba da se kritikuva, treba i da se pofali. Brzata i zakosnki pravedna razresnica na situacijata e za pofalba. I toa treba da se istakni.