@ „кога се работи за САД -- држава со демократски избрана власт, која ја има довербата на своите жители, објавувањето ... Тоа е недозволиво.“

Зашто забога?
Викиликс објавува оригинални документи дека САД вршеле масовни злосторства во двете окупациски војни што се уште ги водат, чии димензии на непријавените топовски меса во лице на цивили и деца, ги надминуваат и вртоглавите прогнози (со +100.000 непријавени жртви) кои истата Влада ги криела од своите даночни обврзници и од медиумите. И, Викиликс треба за сето тоа да молчи само затоа што САД имаат легитимно избрана влада?
Па и Хитлер е избран на редовни, демократски избори.
А и на Дамјан коментарот: што ако документите најдат изборни нерегуларности?

@ „..туку државни службеници, кои само си ја вршеле работата. Имавме случаи кога се објавуваа и имиња на разузнавачи или симпатизери.“

Баш така. Од нацизмот наваму се знае основното морално начело: „Наредбата е наредба“, не е доволно оправдување. Убиството останува убиство што ти си го извршил, дури и да го наредил некој друг.
Нема такво нешто како неутрални граѓани, кои само работеле за скромната плата. И Хитлер беше возможен само заради илјадниците анонимни архитекти на третиот рајх. И сите тие беа легален таргет на денацификацијата по Втората светска војна, никој не им прогледа низ прсти со ова оправдување.

@ "За иронијата да биде поголема, целиот циркус е на чело со кловн кој... силува жени...“

А пресумпција на невиност?
А малце упатеност? Асанж е осуден за консензуален секс во кој не користел кондом. Што во Шведска е криминално дело казниво со околу 750 долари. Сега ќе го влечкаат по судови пар месеци за на крајот веројатно да излезе со баш овој монетарен пенал. (Секако ако до него не се дограпчи во меѓувреме Пентагон или некоја заинтересирана страна и не го однесе во некое Гвантанамо).
Како и да е, неважно. Акцентот што го добива Асанж е срамота за ВикиЛ. Викиликс не е Асанж. Тоа е голема мрежа луѓе кои го користат интернет, и гласаат за транспарентност. Ако не ти се допаѓа овој водач, оди на ОпенЛикс. Ќе се појавам се надеваме и други.

Можеби општествата и не може да издржат апсолутна транспарентност, не сум сигурна, иако лично би гласала дека можат, од вистина никој не умрел, а само се навредил или се осрамотил.
Обратно, од државни тајни на легално избрани политички говеда, умираат милиони цивили.

Конечно ВикиЛ се медиум, и единствената разлика меѓу нив и Гардијан, на пр., е дека тие имаат декларација на насловна дека примаат недекласирачки материјали, за разлика од Гардијан кој го нема. Кога реобјавуваат исти тајни документи, во што е разликата меѓу нив? Нели вчера и самиот Стејт Департмент реобјави документ од ВикиЛ, дали тоа ги прави шпиони на самите себе?

Викиликс покажаа дека веќе нема нет (морална) неутралност, ако некогаш и ја имало. Не во смисла на техничка неутралност, која треба да ја има, туку на морална неутралност. Од морална неутралност низ историјата умреле повеќе луѓе одошто од активизам или дури и егзекутори. Од тие што мирно фаќале сеир. Со викиликс бираме страни. Јас бирам да им верувам на ВикиЛ, друг на Пентагон. Нека испадне за 5 години дека Асанж ја продал својата приказна за Леонардо да направи кариера. Голема работа. Фактот дека базата на ВикиЛ е во моментов на +1000 сервери е доволен доказ дека луѓето бираат страни надвор од медиумите, а во борба за повеќе вистина и транспарентност. Другото се неважни детали и лични судбини. Асанж знаеше дека ќе ги собере сите придобивки, но и ќе го тампонира врз себе гневот. Доволно фер за сите мои стандарди, и тој заслужува секаква почит.

Фала ви на сите што се „деанонимизиравте“.

Зошто инсистирам да знам со кого зборам? Затоа што сѐ останува на Интернет. Не е во ред само моето име и презиме да се појавува во пребарувањата, а сите да разговараме и дискутираме на тема.
Да му одговорам на Игор: нит' сум власт, нит' имам власт, ниту ме интересира колку заработуваш. Нема потреба од таков тон.

Точно е дека мислењата се најбитни, сосема се согласувам, но можеме да се согласиме и дека не се согласуваме во сѐ.

Не гледам причина зошто не може да се зголеми американската демократија со објавување на овие депеши. Зар тие го достигнале лимитот? И кој е тој лимит? Од кого е поставен и кај е запишан? Впрочем нивната демократија се зголеми и со објавување на Дневниците од војните во Ирак и во Аганистан, исто како што се зголеми демократијата и во Кенија. Сите овие го имаат Wikileaks како заеднички именител, оттука како што пресудил американскиот врховен суд, wikileaks го имаат целосното право да ги објават овие работи. Но, потврда на тоа преку процес во судскиот систем е она што сакаат да го избегнат „демократските“ власти во САД и се впуштија во лов на вештерки преку уцени, на давателите на услуги на Wikileaks без судски налог да издејствуваат блокирање на сметките и прекинување на услугите на нивните ДНС и hosting компании. Вака ли функционираат демократиите? Така ли ќе се прошират демократските капацитети на погоре наведените држави? Јас сметам дека не, и затоа ги поддржувам Wikileaks.

Е сега Џулијан Асанж е ударната тупаница, персонификацијата на Wikileaks, но тој не е Wikileaks, кога го уапсија под обвиненија за силување според Шведските закони, кои се под критика за тоа што се` влегува под дефиниција на силување, па дури и консензуален секс без кондом, повеќето истрчаа и повторно без судска пресуда го осудија и го измачкаа со најгнасни етикети и конструкции, притоа сакајќи да го оттргнат вниманието од нападите да се тргне wikileaks од Интернет.

Ако ги контекстуализираме работите што е тоа поразлично од она што го прави Латас, Миленко, О'Рајли и сличните во Македонија, па еве и со А1 ако сакате. Како може да имаме два аршина за исти случувањае, слобода на говор и слободна на медиумите, па и новинарите да можат да известуваат и да објавуваат материјали за негативни процеси во нивните општества? Разлика нема, барем не за луѓето кои сакаат критички да рамислуваат и да имаат различни и поинкави сфаќања од естаблишментот.

И третиот сегмент од случувањата околу Wikileaks е и самиот Интернет, премогу долго стои во статус кво дебатата за нет нетутралност и регулација на Интернет. Wikileaks ја употребија моќта на мрежата за да стигнат до што поголем број на граѓани, американските власти воз враќаат. Одеднаш повторно се појавуваат и Anonymous, лабава група на луѓе кои се активираат по потреба, исправат неправда, со поинакви средства, со напади кон однапред одбрани цели кои јавно се објавени. Да можеби, целата оваа битка и ќе биде крајот на Интернет мрежата како што ја знаеме, меѓутоа подобро ужасен крај, отколку ужас без крај!

Очигледно битката ќе се води, се води и треба да се води на повеќе фронтови.Ако може Марк Цукерберк да ја продаде својата приказна, зошто тоа да не може да го направи Џулијан Асанж, ми изгледа дека вториов ќе биде многу поинтересен филм, иако морам да признаам дека прилично влијае и кој ќе биде режисерот.

Ванчо,

- Дали светот може да издржи апсолутна траспарентност?

Да. Иако, лично, со крајна внимателност ќе ги сослушам валидните аргументи на секој што тврди обратно.
Овде се’ уште не гледам ништо такво.

- Викиликс е „добро фундирана операција, поддржувана од тајните служби“.

Слушни ги реакциите на луѓето кои знаат што зборуваат.
Синоќа на конференцијата за ВикиЛ во Њујорк, една жена од Кина изнесе слична теорија на твојата, и сите присутни што најревносно ги следат Викиликс од основањето од технолошки до политички влијанија, ја дослушаа без да ја прекинат, и без коментар ја продолжија дебатата, игнорирајќи ја.

Овој пристап, се согласувам, е најпаметниот. Сето друго е губење време и ресурси.

Тоа што пола Македонија за некоја недела ќе му се придружи на ова толкувањето не прави разлика. Ние ионака сме дупка во светот. Од скопската амбасада досега се протечени само два документи од 2006. Чекај да видиш што ќе се случува кога ќе почнат да излегуваат материјалите меѓу 2006-2010. Нема да има провладин весник, што нема да зборува за Викиликс со поегзекуторски јазик од Бил О Рајли.

- Кој му ги дава датабазите и контактите на Асанж?

Парадоксално, токму патриотскиот акт, донесен по 11 септември во САД. Кога помеѓу 600.000 до 3 милиони Американци (зависи од проценките) имаа разни степени на пристап до оваа база.
Во неа, сепак, ги нема првите три разузнавачки категории (претседеталската и уште две, а само второкласни материјали од 4-то колено надолу).
На 600.000 со пристап, еден Бредли Менинг ќе се појавел, макар за да потврди статистичка веројатност.
Бредли го фатија, не затоа што Викиликс не знаеше да го заштити својот сведок, туку затоа што самиот е дете кое, како и секое дете на овој свет, сака да се фали.
Тоа не е смешно, туку тажно.
Војните ги водат политичките свињи од кабинетите, кои испраќаат деца за да убиваат други деца.

- Кој го финансира?

Јас, меѓу другите стотици илјадници од цел свет. Со по донации од 10тина долари. Со по една неиспиена пијачка од Фуфо.
А за тоа каде по Пејпал и другите што откажаа љубов, брзо ќе знаеме.

Се друго е само стара новинарска школа. Да не речам: паника? Разбирам долгогодишно новинарско искуство, но веќе не ти врши работа. Интернет долго време го гази медиумскиот простор, време беше некој да го нагази како што треба.

Се согласувам, ќе помине кратко време, во планетарни димензии гледано, Викиликс да се фати за врат со законски одредби и да се корнира така што ќе предизвика застој.

Но, ќе се појават други деца вредни за поддржување.

Другото е безвредно за зборење. Откривањето државни тајни не убиваат луѓе. Државните тајни убиваат.

Поздрав

Луѓе, погрешен ви е впечатокот дека јас се залагам за ваков свет, јас само констатирам каков е.
На моја и ваша голема жалост -- не чини. Тешко дека ќе го исправиме, потребни се генерации и генерации. Погледнете ја историјата и ќе видите дека ништо не се случило преку ноќ.

Фактографски, не е ни битно дали е до буква така како што сум напишал, битен е концептот, кој гласи: Викиликс е симбол на добрите намери, лошо егзекутиран (ама само симбол).

Вие можете да замижите и да речете дека со вашите 5-10 долари ја финансирате светската револуција (што е посебна дискусија: дали револуциите се водат со кредитни картички, од фотелја), или сте можеле парите да ги дадете на локалниот дом за деца без родители (како што правам јас, на пример).
Но, тоа нема да се случи, Робин Худ не постои, извинете што на некои им го дупнав балонот.

Успат, на сите кои донирале за Викиликс преку PayPal или сличен сервис, американските тајни служби им пожелуваат добродојде. Ќе мислат на вас кога следниот пат ќе аплицирате за виза во САД или ВБ.

Приказните за тоа дека тајните каблограми на американските амбасади се достапни според некој закон, не важат -- досега ќе се појавеа милион други Ликсови.
Дека ситуацијата е матна, матна е. Можеби и самите САД ја замислиле операцијата, којзнае -- ќе покаже историјата, но дека не е сам, не е сам, без оглед на (и мојата) одвратност кон теориите на заговор. Вакви работи не се случуваат случајно.

Дека Викиликс го измени светот, не верувам. Дека Интернет го измени светот - дефинитивно.
И дека не сум закоравен стар мрчатор, појдете на мојот блог (клик на моето име во коментаров) и ќе видите дека го пишувам тоа што го мислам.

Ванчо здраво,

Се’ што имав да кажам, кажав.
Не се јавувам за да спориме.
Мир за сите нас.

Се јавувам за твојата реченица:
„Сите што донираат на ВикиЛ - нема да добија виза за Америка“.
Заради децата што потенцијално ова го читаат, да знаат каде да ја сместат реченицава.

Во нет светот ова се вика FUD: http://en.wikipedia.org/wiki/Fear,_uncertainty_and_doubt

Донирав, и ќе донирам. Америка не е само Пентагон.
Храброста, парадоксално, кошта помалку одошто стравот.

Поздрав и мир за сите