Пред три години, на 11 Октомври, бев во Точка кога Коле Чашуле раскажуваше за НОБ.

До сега во животот не сум бил повеќе погоден од говор / раскажување на друга јавна личност во земјава. Па, Коле Чашуле, благодарам и за тоа.

А на сите твои соборци, вклучувајќи ги тука и моите дедовци, благодарам за сѐ.

Подолу распоредот на одбележувањето на 11 Октомври, утре во градскиот парк, како што го најдов на Facebook.

На 70 годишнината од почетокот на вооруженото востание против фашистичкиот окупатор државата нема да прославува со големи собири (како на 8-ми септември). Борците и оваа година се оставени да одбележуваат со положување на цвеќиња и комеморации пред спомениците на НОВ.

Затоа, Сојузот на Борците, поддржан од неколку (антифашистички) организации, организира голем собир овој јубилеен 11 октомври за на искрен и автентичен начин да го одбележи почетокот на антифашистичката борба во Македонија и да потсети:

Фашизмот и денес не е мртов! Борбата продолжува!

Настанот е поддржан од:

- Плоштад Слобода
- Движење за Социјална Правда - Ленка
- Анархистички фронт
- Движење Против Полициска Бруталност
- Слободно Скопје (ССК)
- Канал 103
- Контрапункт
- Коалиција за заштита на сексуални и здравствени права на маргинализирани заедници
- Распеани Скопјани
- Граѓани за Европска Македонија

АГЕНДА НА НАСТАНОТ

12.00 - поздрав од Тодор Атанасовски, претседател на Сојузот на Борците

12.10 - 13.00 - Аудио - видео колаж од светските и домашните прослави на победата против фашизмот (со Вангел Башевски - Барми)

13.00 - 15.00 - Музичка програма со локални бендови и музичари со песни со антифашистичка содржина

13.00 - 15.00 - Едукативни тури по обезглавените бисти на народните херои во градскиот парк (пријавување на лице место)

12.10 - 15.00 - штанд за зачленување на нови членови во Сојузот на Борците

13.00 - 15.00 - Говори од поддржувачите на настанот за современите форми на фашизмот (во музичките паузи)