airborne - презентации

Предавања на ФИНКИ #1 и #2

Новица — Wed, 21 Nov 2012 01:37:44 +0000

Tags:

На 13 и 20 ноември 2012 г. на ФИНКИ се одржаа првите две предавања од планираниот распоред на Слободен софтвер Македонија.

Првото беше за општествените последици на слободниот софтвер, второто за етикиата на хакерите. Предававме јас и Дамјан.

Од првото предавање излезе оваа ex-post белешка, а по целовечерна сесија за github презентацијата од второто предавање е доспапна на интернет: Зошто хакерите хакираат?

Предавања и презентации

Новица — Thu, 13 Jan 2011 17:54:51 +0000

Tags:

Низ годиниве се насобраа многу презентации и предавања што сум ги одржал во разни прилики. Повеќето слајдови се достапни на интернет.

Еве го (речиси) целиот список:

25 април 2013
Предавање на тема „Социјалните медиуми и новинарството“ на Високата школа за новинарство при МИМ.

15 април 2013
Предавање за потребите од билиотеки во дигиталното доба на финалната дебата на МОФ.

20 ноември 2012
Предавање на тема „Зошто хакерите хакираат?“ на ФИНКИ.

13 ноември 2012
Предавање на тема „Слободниот софтвер и неговите општествени последици“ на ФИНКИ, заедно со Дамјан Георгиевски.

25 февруари 2012
Говор за акивизмот што треба да се прелее надвор од интернет „Отаде тајмлајнот“ на конференцијата за друштвени медиуми и активизам Engage.

15 јануари 2011
Говор за ширењето на хакерскиот дух по повод 10 годишнината на Википедија.

Декември 2006, 2009 и 2010
Одржани три презентации на конференцијата Е-општество. Во 2006 за слободен софтвер, во 2009 за улогата на поединците и хакерскиот дух на интернет и во 2010 за Националната политика за слободен софтвер.

24 и 25 ноември 2010
Одржани две предавања за слободен софтвер на Институтот за информатика при ПМФ на предметот Професионална етика. Предавањата ги одржавме заедно со Дамјан Георгиевски.

24 април 2010
Одржано предавање на тема хакерска етика на Њу Јорк универзитетот во Скопје за постдипломските студии по нови медиуми.

Ноември 2003 – Март 2009
Одржани десет предавања за слободниот софтвер и неговите општествени импликации на студентите по новинарство и политички студии на Правниот факултет, УКИМ Скопје. Предавањата ги одржавме заедно со Дамјан Георгиевски, а со голема поддршка од Миша Поповиќ.

9 мај 2008
Одржана презентација на конференцијата Glocal 2.0. Презентацијата насловена „Мојот блог е моето CV... или не“ беше резултат на мало истражување за тоа дали македонските регрутери на работна сила знаат доволно за новите пробиви во социјалниот софтвер и дали ги сметаат за релевантни при утврдувањето на способностите, знаењето, верувањата и ставовите на луѓето. Целиот текст од истражувањето е објавен во „Културен живот“ 1-2/2009. Истражувањето и текстот ги правевме/пишувавме заедно со Марија Костовска. Трудот е достапен и на инетернет.

15 мај 2007
Одржана презентација за слободен софтвер, мрежи, заедници и споделување на конференцијата за слободен софтвер организирана од UNDP Македонија. Презентацијата ја направивме заедно со Дамјан Георгиевски.

27 декември 2005 и 21 декември 2006
Одржани две предавања за слободен софтвер и пазарна конкуренција за студентите по е-бизнис на Економскиот факултет, УКИМ Скопје. Предавањата ги одржавме заедно со Дамјан Георгиевски и Игор Стаматовски.

10 декември 2005
Одржано предавање за слободен софтвер и отворени стандарди на саемот за локална самоуправа во Скопје.

Некои мисли за Мозила по самитот

Новица — Tue, 13 Jul 2010 14:36:31 +0000

Tags:

Ако имаше една тема што се провејуваше на самитот на Мозила во Вистлер, тогаш тоа е инсистирањето на водечките луѓе дека Мозила не е (само) произведувач на софтвер. Она што започнало како проект да се испорача технологија, веќе не е тоа туку повеќе - Мозила сега е за луѓето.

Без разлика дали оваа промена е од сега, или пак сега само е за прв пат доволно јасно искомуницирана со јавноста (или пак јас конечно едвај сум ја сфатил), таа носи со себе и практични и идеолошки (во принципите, вредностите) поместувања во она што Мозила го работи.

Покрај тоа што е фондација, корпорација и име на производ, Мозила сега е и движење. Движењата обично се поврзуваат со општествени прашања. Така слично како движењето за слободен софтвер, движењето на Мозила за отворен интернет во преден план ги става корисниците, нивните права и слободи, приватност и заштита на интернет. Ако порано придржувањето кон стандардите беше за да им биде полесно на тесниот круг на изработувачи на веб страници, сега тоа за сите луѓе.

Ми се чини дека Firefox е сѐ уште многу важен, но ќе биде само додека начинот на кој комуницираме се прави преку прелистувач. Ако технологијата отиде напред кон други и поинакви начини на комуникација и интеракција, а Мозила остане верна на својата идеја за лидер во овозможувањето на околина на интернет која е базирана на вредности и принципи што не се за профит, туку се пред сѐ за луѓето, тогаш Firefox може да го замениме со следното-најдобро-нешто што ќе се грижи за нас на подеднакво добар начин во рамките на движењето што Мозила сака да го предводи.

Конференција за слободен софтвер во Косово

Новица — Fri, 28 Aug 2009 20:09:41 +0000

Tags:

Утре одам за Пришитна. Таму овој викенд се случува голема конференција за слободен софтвер.

Ова е прва конференција од ваков тип во нашето поблиско соседство. Можеби слична на оваа е само хрватската.

Јас ќе имам мала презентација таму на тема „Заедници кои се распаѓаат“. Ќе зборувам за Македонија и нашата заедница.

Во 2002 г. работите околу слободниот софтвер почнаа слично и во Македонија: со конференција и гостин од ФСФ.

Седум години подоцна, „Слободен софтвер Македонија“ сѐ уште не може да добие прописни фондови за работа, сѐ уште нема свои канцеларии и бројот на луѓе кои активно придонесуваат секојдневно се намалува. Секако, нема ни конференција

Ќе зборувам за овие неуспеси. Најверојатно ќе биде кратко и можеби и другите луѓе кои патувааат од овде ќе придонесат некако во дебатата.

За мене лично, ми се чини дека ова ќе биде последната активност поврзана со слободен софтвер што ќе ја правам локално/регионално.

7 години звучи и некако предолго.

Зошто општествата пропаѓаат?

Новица — Thu, 27 Nov 2008 21:09:24 +0000

Tags:

Само што го гледав Џеред Дајамонд на ТЕД. Во својот говор тој објаснува зошто општествата пропаѓаат и дали можат да сторат нешто за да се спасат.

Тој има пет критериуми според кои оценува кои се шансите едно општество да преживее, односно спаси од колапс. Решив да видам како се применуваат тие на Македонија. Еве ги:

1. Човечко влијание на околината, уништување на природните ресурси (ОКТА, загадени вода, истребена пастрмка, изгорени и исечени шуми (и донекаде пошумени со нови), Велешка топилница, ФЕНИ...)
2. Климатски промени: Да.
3. Односи со соседни пријателски општества, кои му помагаат на општеството (кога нема поддршка што се случува?): Македонија баш и нема некои традиционални пријатели. Сепак, ако е да се цени преку трговската размена (увоз/извоз), тогаш големиот дефицит е добар индикатор за лоша состојба, како и рецесија во економиите на најголемите партнери.
4. Односи со непријателски општества: традиционално непријателски односи со сите комшии, блокиран пристап до странство (шенген), учество во војни....
5. Политички, економски, социјални и културни фактори, кои овозможуваат полесно или потешко решавање на проблемите: национализам, шовинизам, кратковидост...?

Дајамонд објаснува и како може некое општество да се спаси, или пак, зошто општествата не се спасуваат. Препорачувам секој да си го погледа предавањето и да оцени какви се шансите на нашето општество.

Мисли глобално, делувај локално - TED style

Новица — Fri, 14 Nov 2008 22:55:41 +0000

Tags:

Патем јас сум горд сопственик на Belkin CushTop. :)

Опуштено пред последниот ден од Glocal

Новица — Fri, 09 May 2008 13:30:00 +0000

Прилог	Големина
prezentacija-glocal-2008.odp	593.8 KB
prezentacija-glocal-2008.pdf	438.74 KB
glocal-2.0-my-blog-is-my-cv15042008.pdf	175.55 KB

Tags:

Ете и тоа бидна. Презентацијата што требаше да ја направам за Glocal заврши и според коментарите од публиката, замислете, добра била. :)

Презентацијата и текстот се закачени за оваа страница.

Апстаркт од текстот подолу.

My blog is my CV... or not?

(A paper for Glocal 2.0)

Social software in most of its forms is predominately used by young people. This is the case with Macedonia as well. More and more people every day start their own blogs or other social software accounts where they publish information that are easily available to the public.

The same group of people faces the challenge to find a job after graduation – a task that is considered very difficult in a struggling economy. In recent years HR and employment agencies, as well as in house HR departments in big companies, started to play a bigger role in the overall job hunt in Macedonia. More and more people receive job proposals through these agencies and findthemselves in need to meet the demanding conditions of the labor market.

In this pilot research we try to find out whether these two meet and if so what the consequences are. The research was performed through interviews with HR managers in local companies and other professionals whose job is to seek out candidates with a qualified work experience, as well as appropriate background.

We tried to learn if Macedonian labor force recruiters know enough about the emerging social software and do they consider it to be a valuable resource in evaluating people's skills, knowledge, believes and attitudes.

With new generations coming out of University and connecting on the Internet, these issues might prove important. We tried to get a sense of what is the situation today and what is to be expected.

Ханс Рослинг на форум на ОЕЦД

Новица — Wed, 19 Sep 2007 15:21:00 +0000

Tags:

Уште една интересна презентација: врска.

Човеков многу си ја сака работата:

...few people will appreciate the music if I just show them the notes. Most of us need to listen to the music to understand how beautiful it is. But often that's how we present statistics; we just show the notes we don't play the music.

Најдобрите презентации на светот

Новица — Thu, 10 May 2007 06:19:00 +0000

Tags:

Натпреварот за најдобра презентација заврши(л). Победниците се објавени.

Гај Кавасаки со свој коментар:

The commonality you’ll see in these winners is big fonts, big graphics, and a “storytelling” orientation. These are three crucial qualities of a good presentation.

Врска.